Ish-kryeministri i Katarit: Qëndrimi pranë Arabisë Saudite “më urgjent se kurrë” — “Irani është kundërshtari ynë kryesor”

Ish-kryeministri i Katarit, Hamad bin Jassim bin Jaber al-Thani, deklaroi se sulmi i fundit ndaj aeroportit të Riadit tregon se qëndrimi pranë Arabisë Saudite është “më urgjent se kurrë” përballë “kërcënimeve”, duke shtuar se tashmë është e qartë se “Irani është kundërshtari ynë kryesor”, siç njofton Al Jazeera.

Al-Thani, i cili ishte kryeministër i Katarit nga viti 2007 deri në 2013 dhe ministër i Jashtëm, u bëri thirrje shteteve të Këshillit të Bashkëpunimit të Gjirit (GCC) të lënë mënjanë mosmarrëveshjet dytësore dhe të bashkohen përballë kërcënimit të përbashkët.

Deklarata vjen pas sulmit të ri ndaj aeroportit ndërkombëtar “Mbret Khalid” në Riad, i treti brenda një jave, i cili detyroi pezullimin e përkohshëm të operacioneve dhe la të plagosur. Linja ajrore indiane Akasa Air pezulloi të gjitha fluturimet drejt Arabisë Saudite deri më 13 tetor, ndërsa SHBA-ja, Britania, Kanadaja, Gjermania dhe Spanja u bënë thirrje qytetarëve të shmangin aeroportin.

Qëndrimi i hapur i Dohas krah Rijadit shënon një moment të rëndësishëm bashkimi në Gjirin Persik, vite pas krizës diplomatike që kishte përçarë vendet e rajonit.