☁️
Tiranë 21°C · Vranët 19 Nëntor 2026
S&P 500 7,294 ▼0.4%
DOW 49,784 ▼0.82%
NASDAQ 24,423 ▼0.03%
NAFTA 83.33 ▲1.24%
ARI 3,700 ▼1.12%
💱 VALUTAT
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
₿ CRYPTO
BTC $63,086 ▼ -0.69% ETH $1,776 ▲ +0.31% XRP $0.9743 ▼ -0.81% SOL $74.0800 ▲ +0.22%
S&P 500 7,294 ▼0.4 % DOW 49,784 ▼0.82 % NASDAQ 24,423 ▼0.03 % NAFTA 83.33 ▲1.24 % ARI 3,700 ▼1.12 % S&P 500 7,294 ▼0.4 % DOW 49,784 ▼0.82 % NASDAQ 24,423 ▼0.03 % NAFTA 83.33 ▲1.24 % ARI 3,700 ▼1.12 %
EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717 EUR/USD 1.0974 EUR/GBP 0.8340 EUR/CHF 0.9249 EUR/ALL 90.2860 EUR/MKD 61.4970 EUR/RSD 117.6249 EUR/TRY 55.3919 EUR/JPY 174.89 EUR/CAD 1.5717
19 Nën 2026
Breaking
Kosova

Islami: Deklaratat e ish-shefit të inteligjencës serbe për Banjskën kërkojnë vëmendje

Eksperti i çështjeve të sigurisë, Avni Islami, ka vlerësuar se deklaratat e ish-drejtorit të Agjencisë së Sigurisë Ushtarake të Serbisë (VBA), Momir Stojanoviq, lidhur me sulmin terrorist në Banjskë më 24 shtator 2023, përbëjnë një zhvillim me rëndësi për sigurinë kombëtare të Kosovës.

Në një postim në Facebook, Islami ka thënë se rëndësia e këtyre deklaratave qëndron në faktin se ato vijnë nga një ish-zyrtar i lartë i inteligjencës ushtarake serbe.

Sipas tij, dyshimet e ngritura për organizimin, armatosjen, koordinimin dhe mbështetjen logjistike të grupit të armatosur forcojnë dyshimet për përfshirjen e mundshme të strukturave serbe të sigurisë në sulmin e Banjskës.

Ai ka theksuar se këto pretendime ngrenë edhe çështjen e përgjegjësisë së mundshme shtetërore për këtë akt terrorist.

Islami ka përmendur gjithashtu ndryshimet e raportuara në udhëheqjen ushtarake dhe të inteligjencës së Serbisë, përfshirë pensionimin e Milan Mojsiloviqit dhe Gjuro Jovaniqit.

Megjithatë, ai ka theksuar se aktualisht nuk ka dëshmi të konfirmuara që i ndërlidhin këto ndryshime me rastin e Banjskës, por sipas tij, ato kërkojnë vëmendje analitike për të vlerësuar ndikimin e mundshëm në orientimin dhe veprimtarinë e strukturave serbe të sigurisë.

Eksperti i sigurisë ka vlerësuar se rëndësi të veçantë ka edhe trajtimi gjyqësor i Milan Radoiçiqit, duke e cilësuar atë si tregues të gatishmërisë së institucioneve serbe për të hetuar dhe adresuar përgjegjësitë për sulmin.

Në këtë kontekst, Islami ka ngritur pyetjen se ku ndodhet aktualisht Radoiçiqi dhe pse fletarrestimi ndaj tij është lëshuar vetëm tani dhe jo më herët.

Ai ka kërkuar që institucionet e Kosovës të ndërmarrin masa parandaluese, duke u bazuar në informacionet e Agjencisë së Kosovës për Inteligjencë (AKI) dhe inteligjencës së Policisë së Kosovës.

Sipas Islamit, është i nevojshëm vlerësimi i vazhdueshëm i kërcënimeve, forcimi i koordinimit ndërinstitucional dhe bashkëpunimi me KFOR-in, EULEX-in dhe partnerët strategjikë ndërkombëtarë./Telegrafi/

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.