Jeremy Corbyn: Trump duhet të rritet dhe ta harrojë ndërtimin e murit përgjatë kufirit SHBA-Meksikë
Lideri i Partisë Labursite të Britanisë së Madhe, Jeremy Corbyn, ka thënë se presidenti i sapo zgjedhur amerikan, Donald Trump, duhet të rritet sa i përket qëndrimit që mban për emigrantët dhe se duhet të heqë dorë nga plani për të ndërtuar një mur përgjatë kufirit amerikan me Meksikën.
Corbyn ka thënë se gruaja, e cila është meksikane, dhe familja e vet janë tronditur nga fitorja e manjatit republikan në garë për Shtëpinë e Bardhë, transmeton Express.
Fitorja e Trumpit në zgjedhje në SHBA ishte një thirrje për ndihmë nga komunitetet e lëna pas dore, sipas Corbyn.
Ai, po ashtu paralajmëroi se probleme të ngjashme janë duke u shkaktuar në Evropë nga globalizimi.
Duke folur për BBC, Corbyn insistoi se përgjigjet e vetme efektive mund të gjenden nga majtistët e politikës dhe pohoi se Bernie Sanders do ta kishte mposhtur Trumpin në zgjedhjet e javës së kaluar, për dallim nga rivalja e vet demokrate Hillary Clinton.
I pyetur për reagimin e gruas rreth murit, Corbyn u përgjigj: “[ishte] absolutisht e zemëruar dhe tronditur. Donald Trump duhet të rritet dhe ta pranojë se ekonomia amerikane, në fakt, varet nga puna e emigrantëve.”
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.