JLo “thumbon” Marc Anthony: “I rrita fëmijët pothuajse e vetme”

Jennifer Lopez ka bërë deklarata që kanë ngjallur reagime në media, duke lënë të kuptohet se ish-bashkëshorti i saj, Marc Anthony, ka pasur pak rol në rritjen e binjakëve të tyre.

Gjatë një interviste në podcast-in “SmartLess”, këngëtarja 56-vjeçare foli për periudhën emocionale që po kalon ndërsa fëmijët e saj, Emme dhe Max, përgatiten për universitet.

Ajo tha se ndihet krenare që fëmijët e saj kanë arritur gjithçka vetë, duke shtuar me ironi se i është dashur t’i rrisë pothuajse pa shumë ndihmë.

“Është çmenduri… tani mund ta shoh jetën time dhe të jem vërtet e lumtur me atë që kam ndërtuar,” u shpreh Lopez.

Deklaratat e saj janë interpretuar si një “thumb” ndaj Marc Anthony-t, me të cilin ishte e martuar nga viti 2004 deri në 2014 dhe me të cilin ka dy fëmijë binjakë, Emme dhe Max, të lindur në vitin 2008.

Sipas raportimeve, Anthony nuk ka marrë pjesë në ceremonitë e fundit të diplomimit të fëmijëve të tyre, gjë që ka nxitur edhe më shumë spekulime rreth marrëdhënies së tyre si prindër.

Lopez ka folur më parë edhe për vështirësitë e saj si nënë e vetme pas divorcit, duke e përshkruar atë periudhë si një nga më të vështirat e jetës së saj.

Ndërkohë, Marc Anthony është i martuar me modelen Nadia Ferreira, me të cilën pret një fëmijë tjetër.