Joe Alwyn dhe Sarah Pidgeon ndezin aludimet për romancë në New York

Joe Alwyn, ish-partneri i Taylor Swift, është parë në një dalje romantike në New York City me aktoren Sarah Pidgeon, ku dyshja nuk i kanë kursyer momentet e afërsisë.

Sipas fotove ekskluzive të publikuara nga Page Six, çifti është parë duke u puthur, përqafuar dhe duke shëtitur dorë për dore në Brooklyn gjatë fundjavës. Dalja e tyre ka zgjatur për disa orë, nga pasditja deri në mbrëmje.

Alwyn dhe Pidgeon janë shfaqur të relaksuar dhe të buzëqeshur, ndërsa kanë pirë pije dhe kanë biseduar gjatë shëtitjes në qytet. 

Joe Alwyn ishte në një lidhje të gjatë me këngëtaren Taylor Swift për gati shtatë vite, nga viti 2016 deri në 2023, një marrëdhënie që ka qenë shpesh në qendër të vëmendjes së mediave.

Ndërkohë, Sarah Pidgeon njihet për rolet e saj në seriale dhe projekte televizive si “The Wilds” dhe “Tiny Beautiful Things”, ndërsa vetë nuk ka konfirmuar më parë publikisht ndonjë lidhje romantike.

Dalja e fundit ka ndezur reagime në rrjetet sociale, duke rikthyer vëmendjen te jeta private e aktorit britanik.