Johnson: Presidenca Trump një mundësi për BE-në që të tregohet e kujdesshme nga “paragjykimet”

Kreu i diplomacisë britanike, Boris Johnson vlerësoi sot se Bashkimi Evropian nuk duhet të “paragjykojë” personin i cili pritet të marrë drejtimin e presidencës Trump në SHBA, duke e konsideruar këtë proces zgjedhor si një “moment të favorshëm për BE-në.

“Donald Trump siç e pohova është një person me të cilin mund të diskutosh dhe besoj se zgjedhja e tij mund të jetë një mundësi e mirë për Britaninë e Madhe por gjithashtu një rast i mirë për Evropën”, u shpreh Johnson në mbërritje të një takimi me pjesëmarrjen e 28 ministrave të Punëve të Jashtme të BE-së në Bruksel.

Një ditë më parë ai shprehu pakënaqësinë e organizimit të një takimi me homologët e BE-së mbi efektet pas zgjedhjes së Trump duke e cilësuar “të panevojshëm” një debat të këtij lloji në këtë stad, ndërsa presidenti i zgjedhur nuk është prononcuar ende në lidhje me potikën e tij të jashtme.

Disa ministra kanë dhënë komente të ngjashme, kryesisht nga ana e Hungarisë dhe Polonisë.

Francezi Jean-Marc Ayrault ishte gjithashtu i cituar në mesin e personave që nuk morën pjesë në takim, për shkak të axhendës së tij politike.