Kafu bën parashikimin: Ky Brazil shkon deri në gjysmëfinale, më pas, me Ancelotti…

Ish-futbollisti brazilian Kafu, ka dhënë parashikimin e tij për rrugëtimin e kombëtares së vendit të tij në Kupën e Botës 2026. “E shoh Brazilin midis kandidatëve për fitoren përfundimtare”, tha një nga ikonat e futbollit brazilian.

Më tej, ai tha: “Nuk do të jetë e lehtë, sepse niveli i rivalëve tanë është jashtëzakonisht i lartë, por besoj se me Carlo Ancelotti dhe potencialin e skuadrës sonë, Seleção ka gjithçka që duhet për të arritur të paktën në gjysmëfinale”.

“Dhe kur Brazili arrin në katër të fundit, gjithçka mund të ndodhë. Sepse historia e futbollit tonë mëson një gjë: kur Brazili rizbulon besimin, entuziazmin dhe frymën e ekipit, bëhet një ekip kombëtar me të cilin askush nuk dëshiron të përballet”, tha Kafu.