Kërkohet paraburgim për një 36-vjeçar nga Shkupi, dyshhet për dhunë në familje

Prokuroria Themelore Publike në Shkup ka filluar procedurë kundër një personi 36-vjeçar për të cilin ekziston dyshim i arsyeshëm se ka kryer vepra penale “Lëndim trupor”, si dhe “Shkaktim rreziku të përgjithshëm”.

Mbrëmë rreth mesnatës, në shtëpinë familjare në Shkup, i dyshuari kreu dhunë në familje dhe lëndoi fizikisht gruan e tij dhe nënën e saj.

“Me qëllim që t’i shqetësonte dhe t’i frikësonte, i dyshuari filloi të bërtiste dhe të kërcënonte gruan e tij dhe dy fëmijët e tyre, të moshës 6 dhe 4 vjeç. Kur i dëmtuari i kërkoi të ndalonte, ai e kapi për krahu dhe e shtyu, duke i shkaktuar lëndime trupore”.

“Pastaj i dyshuari filloi të thyente mobiljet dhe goditi me shkop nënën e gruas së tij, të cilën e lëndoi fizikisht edhe në këmbë dhe në gjoks. Ai kërcënoi se do t’i vriste të gjithë, përfshirë edhe mbytje të fëmijës së tij, në një moment nxori një thikë dhe e tundi atë, duke shkaktuar ndjenjë kërcënimi, pasigurie dhe frike tek viktimat”.

“Gruaja arriti t’i telefononte vëllait dhe babait të saj në telefon. I dyshuari vazhdoi t’i kërcënonte me thikë, dhe nga kutia lëshoi edhe qenin e tij të racës “Qen Sharri” në oborr, i cili kafshoi njërën nga viktimat në pjesën e sipërme të krahut dhe të këmbës, duke i shkaktuar lëndime fizike – plagë kafshimi”.

“Duke marrë parasysh të gjitha veprimet e të dyshuarit, rrethanat që tregojnë qartë rrezik ikjeje, si dhe frikën se ai mund të përsërisë aktet e dhunës në familje, prokurori publik i paraqiti një propozim gjyqtarit të procedurës paraprake të Gjykatës Themelore Penale në Shkup për caktimin e masës së paraburgimit”, thonë nga PTHP.