Këshilltari i Khamenei-t: Kërcënimet e Trump-it dhe Netanyahu-t tregojnë dëshpërim, jo forcë

Mohammad Mokhber, këshilltar i liderit suprem të Iranit, Mojtaba Khamenei, ka deklaruar se “lufta psikologjike” dhe kërcënimet e luftës nga presidenti amerikan Donald Trump dhe kryeministri izraelit Benjamin Netanyahu “tregojnë më shumë dëshpërim sesa forcë”, siç njofton agjencia ABNA, në një reagim të publikuar edhe nga Middle East Eye.

Në një postim në rrjetin X, Mokhber theksoi: “Irani i njeh dobësitë e armikut. Lëvizjet surprizë në fushën e betejës, së bashku me levën e tij në sektorët e naftës dhe energjisë, mund ta ndryshojnë balancën e fuqisë.”

“Në rajon, kombi që mbetet është ai që ka jetuar atje prej mijëra vjetësh, dhe regjimi sionist mund vetëm të mendojë për ‘mosqenien’ e vet”, shtoi këshilltari i liderit suprem.

Deklarata e Mokhber-it vjen një ditë pasi Trump, në një tubim në Florida, la të kuptohet se Shtetet e Bashkuara mund të kryejnë një operacion tjetër ushtarak kundër Iranit — “një tjetër Epic Fury të vogël” — nëse Teherani nuk pranon një marrëveshje, dhe pasi Netanyahu ka shtuar kërcënimet për veprime të reja ndaj Iranit.