KINË – 14 viktima pas zjarrit në një ndërtesë të lartë

PEKIN, 9 nëntor /ATSH-DPA/ – Të paktën 14 persona kanë humbur jetën si pasojë e një zjarri në një ndërtesë të lartë në Kinën veriore.

Duke iu referuar autoriteteve vendore, agjencia shtetërore e lajmeve Hsinhua njoftoi sot se zjarri kishte rënë të dielën në Taiyuan, në provincën Shanxi.

Sipas Hinhua-së, 38 persona janë dërguar në spital.

Shkaku i zjarrit fillimisht nuk dihej.

Në muajin mars, tre persona humbën jetën në një zjarr të ngjashëm në të njëjtin qytet.

Vitin e kaluar, një zjarr në Hong Kong shkaktoi vdekjen e 168 personave, çka bëri që autoritetet të urdhëronin inspektime sigurie në mbarë vendin për ndërtesat e larta./ a.jor.