KINË – Xi uron Trump dhe kërkon vazhdimin e bashkëpunimeve mes dy vendeve
Presidenti kinez, Xi Jinping telefonoi sot presidentin e zgjedhur amerikan, Donald Trump duke e uruar për fitoren e zgjedhjeve presodenciale dhe premtoi se do të takoheshin së shpejti, raportoi televizioni kinez, CCTV.
“Faktet tregojnë se bashkëpunimi është zgjedhja e duhur për Kinën dhe SHBA-në”, tha Xi.
Donald Trump ka kritikuar shpesh Kinën gjatë fushatave për zgjedhjet amerikane.
Ai akuzoi vendin për manipulimin e monedhës së saj, si dhe vjedhjen e vendeve të punës së amerikanëve.
Trump ka kërcënuar lidhur me tarifat e produkteve kineze që vijnë në SHBA-së, nëse do të zgjidhej president.
Pekini, megjithatë, shpreson se Trump do të përshtasë një qëndrim më të moderuar, pas një fushate të ashpër dhe shpesh të hidhur gjatë zgjedhjeve presidenciale.
