Klasteri danez i mbrojtjes CenSec nënshkruan marrëveshje bashkëpunimi me Airbus Defence and Space
Marrëveshja, e nënshkruar të mërkurën në Konferencën e Sigurisë Kombëtare në Kopenhagë, do të forcojë bashkëpunimin mes kompanive dhe instituteve kërkimore daneze dhe programeve të Airbus-it, përfshirë avionin ushtarak të transportit A400M dhe tankerët A330 MRTT.
Klasteri danez i biznesit për kompanitë dhe kërkuesit e mbrojtjes, hapësirës dhe sigurisë, CenSec, nënshkroi të mërkurën një marrëveshje partneriteti me divizionin Defence and Space të Airbus-it, siç njofton Reuters.
Sipas njoftimit, marrëveshja do të forcojë bashkëpunimin mes kompanive dhe institucioneve kërkimore daneze dhe programeve të Airbus-it. “Partneriteti ynë me CenSec do të na ndihmojë të lidhemi me kompanitë dhe organizatat kërkimore daneze, aftësitë e të cilave plotësojnë prioritetet teknologjike dhe të biznesit të Airbus-it”, thuhet në deklaratën e përbashkët të kompanisë me CenSec-in.
Bashkëpunimi do të përqendrohet pjesërisht në programet e Airbus-it, përfshirë avionin ushtarak të transportit A400M dhe aeroplanët tanker A330 MRTT.
Marrëveshja u nënshkrua gjatë Konferencës së Sigurisë Kombëtare në Kopenhagë, të mërkurën më 7 tetor.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.