Arrestohet 56-vjeçari për gjueti të paligjshme në Dellçevë
Policia i gjeti një pushkë të përshtatur për gjueti nate dhe fishekë 12 milimetra
Një 56-vjeçar është arrestuar për gjueti të paligjshme në Dellçevë, sipas Alsat.
Policia e ndaloi A.A., 56 vjeç, nga fshati Grad i Dellçevës, më 20 nëntor rreth orës 20:00, gjatë një kontrolli të Qendrës Rajonale të Kufirit Lindor. Gjatë kontrollit iu gjet një pushkë e përshtatur për gjueti nate, së bashku me fishekë 12 milimetra dhe një gëzhojë të shkrepur.
Edhe pse i dyshuari kishte leje për municionin, prokuroria u njoftua për rastin dhe ndaj tij pritet të bëhet kallëzim penal për gjueti të paligjshme.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.