Klopp prezantohet sot si komisari i 13-të teknik i Gjermanisë, në grupin e tij të punës habit me emërimin e menaxherit të tij besnik

Jürgen Klopp do të prezantohet sot në orën 11:00 në postin e komisarit teknik të Gjermanisë. 59-vjeçari pason kështu Nagelsmann dhe bëhet trajneri i 13-të i kombëtares, e cila ka mundur të fitojë plot katër herë Kupën e Botës.

Po sot pritet që të zyrtarizohet edhe grupi i tij i punës, i cili përveç emrave të bërë publik prej ditësh mësohet se do të përbëhet edhe nga një figurë disi e pazakontë.

Si për të konfirmuar faktin se tashmë ka fuqi të plotë në Federatë, Klopp ka arritur që të inkuadrojë në grupin e tij të punës edhe menaxherin e tij besnik, Marc Kosicke.

55-vjeçari këshillon prej dy dekadash Klopp dhe prej pak vitesh kishte ngritur edhe një nismë si “projectFIVE GmbH”, e cila merret me zbulimin e talenteve të reja.

Kosicke gjithashtu është shpikësi i sloganit legjendar “Mia san mia” të FC Bayern-it.