Klosi: Ata kanë protestën e tyre, ne qeverisim, kemi marrë votën e 855 mijë njerëzve

Sekretari i Përgjithshëm i Partisë Socialiste, Blendi Klosi, i është përgjigjur kërkesës së protestuesve për dorëheqjen e kryeministrit Edi Rama.

I ftuar në emisionin “Trialog” në RTSH, Klosi u shpreh se nuk ekziston asnjë arsye që kryeministri të japë dorëheqjen, duke theksuar se mazhoranca aktuale ka marrë votat e qytetarëve për të qeverisur vendin.

“Nëse është kërkesa për dorëheqjen e kryeministrit, mendoj se mazhoranca dhe kryeministri nuk kemi asnjë arsye që në këtë moment të kemi një dorëheqje. Padyshim ka arsye që të dëgjojmë zërin e qytetarëve, të kuptojmë arsyet pse edhe nga votuesit tanë kanë dalë në protestë në ditë e para, besoj se tani nuk ka më. Ata kanë protestën e tyre. Ne qeverisim sepse qytetarët shqiptarë na kanë dhënë votën për të qeverisur Shqipërinë dhe kemi një kontratë me çdo qytetar”, tha Klosi.