Koalicioni proevropian “Evropa Serbia” mblodhi firmat — listën e dorëzon në RIK këtë fundjavë

Koalicioni proevropian “Evropa Serbia”, i përbërë nga Partia e Lirisë dhe Drejtësisë (SSP), “Srbija centar” (SRCE) dhe lëvizja “Solidarnost”, ka mbledhur numrin e nevojshëm të firmave për daljen në zgjedhjet e ardhshme në Serbi dhe do ta dorëzojë listën e kandidatëve në Komisionin Republikan Zgjedhor (RIK) gjatë fundjavës, me shumë gjasa të dielën.

Këtë e konfirmoi për agjencinë Beta një burim nga kreu i koalicionit. I njëjti burim hodhi poshtë informacionet e disa portaleve se në mbledhjen e sotme të kryesisë së “Srbija centar” do të diskutohej dalja apo mosdalja në zgjedhje. “Koalicioni ynë del patjetër në zgjedhje. Tema e mbledhjes së sotme është përcaktimi i renditjes përfundimtare të kandidatëve në listën e deputetëve,” tha burimi.

Ditët e fundit disa komitete të “Srbija centar” nga brendësia e Serbisë i kërkuan kreut të partisë të mos dalë në zgjedhje dhe të mbështesë Listën Studentore “Studentët fitojnë”.

Zdravko Ponoš, kryetar i SRCE-së dhe bartës i listës “Evropa Serbia”, deklaroi në N1 se këto zgjedhje nuk janë vetëm mundësi për t’u çliruar nga pushteti i SNS-së, por një zgjedhje nëse Serbia do të ketë demokraci parlamentare shumëpartiake apo jo.

Burimi: Danas