Kodra më e veçantë në botë, është ngjyrë rozë

Kodra e parkut Higashimokoto në Japoni është absolutisht një spektakël vërtetë i pazakontë. Ajo është një nga kodrat më të veçanta në botë dhe kjo vetëm falë ngjyrës së saj, të cilën nuk e ka asnjë kodër tjetër. Higashimokoto ka ngjyrë rozë. E mbuluar nga një “tapet” prej Phlox subulata (një bimë e vogël gjithmonë e gjelbër e cila lulëzon nga maji deri në qershor), kodra ofron një pamje që nuk lë askënd indiferent. Në periudhën e lulëzimit, në stinën e pranverës, ajo mbulohet në rozë. Në këtë vend organizohet çdo vit një ekspozitë dedikuar rritjes së luleve.