🌦️
Tiranë 17°C · Rrebesh i lehtë 18 Nëntor 2026
S&P 500 7,352 ▲0.16%
DOW 50,411 ▼0.69%
NASDAQ 24,508 ▲0.74%
NAFTA 81.40 ▼3.84%
ARI 3,748 ▼3%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $63,327 ▼ -0.69% ETH $1,777 ▼ -0.47% XRP $0.9839 ▲ +2.69% SOL $74.0200 ▲ +2.39%
S&P 500 7,352 ▲0.16 % DOW 50,411 ▼0.69 % NASDAQ 24,508 ▲0.74 % NAFTA 81.40 ▼3.84 % ARI 3,748 ▼3 % S&P 500 7,352 ▲0.16 % DOW 50,411 ▼0.69 % NASDAQ 24,508 ▲0.74 % NAFTA 81.40 ▼3.84 % ARI 3,748 ▼3 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Kosova

Kosova prezanton mundësitë e investimeve në Forumin Ekonomik në Brezovicë

Ka nisur edicioni i dytë i Forumit Ekonomik “Brezovica Economic Forum 2026”, i organizuar nga Oda Ekonomike e Kosovës, i cili ka mbledhur përfaqësues të institucioneve, diplomatë dhe biznese nga Kosova, rajoni dhe vende të ndryshme partnere, raporton RTK.

Sipas komunikatës së Odës Ekonomike, në hapje të forumit, kryetari Lulzim Rafuna ka theksuar rëndësinë e promovimit të Kosovës si destinacion për investime dhe partneritete ndërkombëtare, duke vënë në pah potencialin ekonomik dhe pozitën strategjike të vendit.

“Ne dëshirojmë që Kosova të shihet si një vend ku mund të prodhohet, të investohet, të krijohen partneritete dhe prej nga mund të furnizohen tregjet rajonale dhe evropiane. Kosova nuk është vetëm një vend i mundësive të së ardhmes. Kosova është një vend ku mundësitë për investime ekzistojnë sot”, ka deklaruar Rafuna.

Oda Ekonomike ka bërë të ditur se një rëndësi të veçantë në këtë edicion ka pjesëmarrja e delegacionit ekonomik nga Japonia, me biznese të interesuara për të shqyrtuar mundësitë e bashkëpunimit në tregti, investime dhe teknologji.

Në kuadër të forumit po zhvillohen takime B2B ndërmjet kompanive nga Kosova, Japonia dhe Gjermania, me synimin e krijimit të kontakteve të drejtpërdrejta dhe partneriteteve të reja biznesore.

Sipas organizatorëve, diskutimet përfshijnë integrimin ekonomik rajonal, afrimin me Tregun e Përbashkët të Bashkimit Evropian, investimet, qasjen në financa, bashkëpunimin industrial dhe tregtar, si dhe sigurinë juridike për bizneset.

Një pjesë e forumit i kushtohet edhe diasporës dhe investimeve, nën moton “Nga dashuria për vendin tek investimet”. Në këtë kuadër, sipas Odës Ekonomike, në Brezovicë po marrin pjesë rreth 20 biznese nga rajoni i Stuttgartit, të cilat synojnë të shqyrtojnë mundësitë e investimit dhe bashkëpunimit në Kosovë.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.