🌦️
Tiranë 17°C · Rrebesh i lehtë 18 Nëntor 2026
S&P 500 7,328 ▼0.17%
DOW 50,317 ▼0.87%
NASDAQ 24,394 ▲0.27%
NAFTA 81.52 ▼3.7%
ARI 3,746 ▼3.05%
💱 VALUTAT
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
₿ CRYPTO
BTC $63,020 ▼ -1.47% ETH $1,767 ▼ -1.24% XRP $0.9812 ▲ +2.1% SOL $73.5800 ▲ +1.35%
S&P 500 7,328 ▼0.17 % DOW 50,317 ▼0.87 % NASDAQ 24,394 ▲0.27 % NAFTA 81.52 ▼3.7 % ARI 3,746 ▼3.05 % S&P 500 7,328 ▼0.17 % DOW 50,317 ▼0.87 % NASDAQ 24,394 ▲0.27 % NAFTA 81.52 ▼3.7 % ARI 3,746 ▼3.05 %
EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720 EUR/USD 1.0999 EUR/GBP 0.8330 EUR/CHF 0.9242 EUR/ALL 90.5258 EUR/MKD 61.4970 EUR/RSD 117.6616 EUR/TRY 55.4619 EUR/JPY 175.28 EUR/CAD 1.5720
18 Nën 2026
Breaking
Kosova

Xhavit Haliti thirret nga Prokuroria e Brukselit për të dëshmuar në procesin gjyqësor ndaj Andrija Drashkoviqit

Ish-deputeti i Partisë Demokratike të Kosovës (PDK), Xhavit Haliti, është thirrur zyrtarisht nga Prokuroria e Përgjithshme e Brukselit për të dëshmuar në një proces gjyqësor që do të zhvillohet në Belgjikë.

Telegrafi ka siguruar dokumentet zyrtare lidhur me këtë rast, sipas të cilave Haliti duhet të paraqitet më 19 nëntor 2026, në orën 12:00, para Gjykatës së Krimeve të Rënda me Juri në provincën Brabant Wallon, në qytetin e Nivelles. Prania e tij kërkohet nga ora 11:30.

Thirrja është bërë në kuadër të procesit gjyqësor ndaj Andrija Drashkoviqit, i lindur më 3 nëntor 1964 në Mitrovicë të Kosovës, i cili përballet me akuza për vepra të rënda penale.

Sipas dokumenteve të siguruara nga Telegrafi, Xhavit Haliti është thirrur për të dhënë dëshmi lidhur me faktet e përfshira në aktakuzën ndaj Drashkoviqit.

Thirrja është lëshuar nga Prokuroria e Përgjithshme pranë Gjykatës së Apelit në Bruksel, ndërsa njoftimi zyrtar i është dorëzuar Halitit përmes përmbaruesit gjyqësor, Philippe Grumbers.

Andrija Drashkoviq, së bashku me ish-shefin e UDB-së për kundër emigracionit shqiptar dhe kroat, janë dënuar me burgim të përjetshëm për vrasjen e veprimtarit të çështjes kombëtare, Enver Hadri.

Ndërkaq, Bozhidar Spasiq, ish-zyrtar i shërbimit sekret jugosllav, ka pranuar se kishte organizuar atentatin kundër Xhavit Halitit dhe familjes së tij në Cyrih të Zvicrës, si dhe kundër Xhafer Shatrit në Gjenevë.

Thirrja e Halitit për të dëshmuar në këtë proces gjyqësor vjen në një kontekst ku trajtohen edhe krimet e ish-strukturave të shërbimit sekret jugosllav ndaj veprimtarëve shqiptarë në diasporë.

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.