Kovaçevski: Identiteti dhe gjuha janë të mbrojtura, propozimi francez është zgjidhje e mirë

Ish-kryeministri dhe deputeti aktual i LSDM-së, Dimitar Kovaçevski thotë se propozimi francez është zgjidhje e mirë dhe është një propozim i ekuilibruar dhe se nuk rrezikon identitetin maqedonas.

“Nuk besoj se duhet të heqim dorë nga asgjë nga historia jonë në kuadër të komisionit Historik apo të ndonjë komisioni tjetër. Duhet t’i përmbahemi qëndrimit që kemi për historinë tonë. Askush nuk mund ta ndryshojë pikëpamjen maqedonase për historinë. Askush nuk mund ta prekë identitetin tonë, sepse ky është identiteti ynë. Askush nuk mund të na ndalojë të jemi maqedonas. Nuk mund ta vënë përsëri veton sepse kjo nuk është pjesë e kornizës negociuese”, tha Kovaçevski në “Samo Vistina” në “Kanal 5”.

Ai thotë se “negociatat me Bullgarinë u ndalën sepse ajo nuk e njohu gjuhën maqedonase në BE. Frontex u nënshkrua në gjuhën maqedonase. Korniza negociuese përfshin maqedonishten. Prej andej, negociatat u zhvendosën në çështjet e pakicave – hyrja e bullgarëve në Kushtetutë”.

“Nëse ka një vend në botë në të cilin çështjet e pakicave zgjidhen në një mënyrë më të mirë, ju heq kapelen”, tha Kovaçevski.Lidhur me të ashtuquajturin “propozim francez”, ai tha se është një “zgjidhje e mirë”.

“Është një propozim i ekuilibruar dhe i mirë. Do të jetë i rëndësishëm. Mendoj se është një zgjidhje e mirë”, tha Kovaçevski.