Ministrja e Bujqësisë dhe Zhvillimit Rural Frida Krifca kryesoi Konferencën e 171-të të Këshillit të Organizatës Botërore të Ushqimit dhe Bujqësisë (FAO), që po zhvillon punimet në Romë, Itali.
Ministrja zhvilloi një takim me Qu Dongyu, Drejtor i Përgjithshëm i Organizatës Botërore për Ushqimin dhe Bujqësinë (FAO).Krifca informoi se në takim u diskutua për të nxitur një kalendar më intensiv të projekteve që ndjekim me FAO-n në Shqipëri për zhvillimin e qëndrueshëm të bujqësisë, shtimin e prezencës së ekspertizës ndërkombëtare në shërbim të politikave tona për rritjen e prodhimeve shqiptare, certifikimit të tyre dhe prezencës së shtuar në tregjet ndërkombëtare.
“E ftova drejtorin Dongyu në një vizitë për të parë realitetin tonë bujqësor në Shqipëri, si dhe diskutuam mundësinë e organizimit të Konferencës Rajonale Evropiane të FAO për herë të parë në Shqipëri”, shprehet ministrja.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.