Kryemadhi: “Ministres Gjonaj i shkarkuan burrin nga puna për vjedhje”
Kryetarja e LSI, Monika Kryemadhi akuzoi ministren e Drejtësisë, Etilda Gjonaj se ekstradoi financierin e Habilajve, Nazer Seiti, në drejtim të Italisë për të mbrojtur Saimir Tahirin.
E ftuar te 5 pyetjet nga Babaramo në Report Tv, gjithashtu Kryemadhi hodhi akuza në drejtim të ministres edhe sa i takon bashkëshortit të saj, duke deklaruar se ai është shkarkuar nga detyra për vjedhje.
“Ekstradimi i financierit të Habilajve është skandal i madh. Dhe parlamenti i 18 dhjetorit ishte një nga skenat më të turpshme, prandaj për mua reforma në drejtësi ka rënë që kur shkoi Arta Marku në zyrën e Kryeprokurorit dhe me skandalin e ekstradimit të financierit të Habilajve, ky është skandal i madh. Ne kemi një ministre Drejtësie që është më shumë një zëdhënëse shtypi e Edi Ramës, ajo ka një të kaluar aspak të mirë, burri saj është pushuar nga Drejtoria e Tatimeve për vjedhje.
Normal sjellja e saj kaq arbitrare me ekstradimin, nuk e dija dhe pastaj është më mirë të esktradohet te drejtësia italiane, tregon se është e kapur shërbimi më flagrant që mund t’i bëhet grupit të Habilajve dhe shpëtimit të Saimir Tahirit”, u shpreh Kryemadhi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.