Kryeministri maqedonas kalon transit nëpër Kosovë, policia paralajmëron ndërprerje të përkohshme të trafikut
Policia e Kosovës njofton masa të shtuara sigurie më 21 dhe 22 tetor gjatë kalimit transit të kryeministrit të Maqedonisë së Veriut, Hristijan Mickoski, nga Hani i Elezit deri në Vërmicë, me ndërprerje të shkurtra të mundshme të qarkullimit.
Policia e Kosovës ka njoftuar se më 21 dhe 22 tetor 2026 do të ndërmarrë masa të shtuara të sigurisë dhe do të kujdeset për rregullimin dhe menaxhimin e trafikut gjatë kalimit transit nëpër territorin e Kosovës të kryeministrit të Maqedonisë së Veriut, Hristijan Mickoski, siç njofton Telegrafi.
Për të mundësuar lëvizjen e lirë të eskortës zyrtare, gjatë këtyre dy ditëve mund të ketë ndërprerje të përkohshme të qarkullimit në disa segmente rrugore, në intervale të shkurtra kohore.
Itinerari i kalimit nis me hyrjen në Kosovë përmes pikës kufitare në Han të Elezit dhe përfundon me daljen nga Kosova në Vërmicë.
Policia ka kërkuar mirëkuptimin e qytetarëve dhe të gjithë pjesëmarrësve në trafik gjatë këtyre dy ditëve.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.