“Kylian është mirë dhe gati për Marokun, nuk ka eufori por respekt për rivalin e radhës”

Trajneri i Francës, Didier Deschamps, ka konfirmuar se Kylian Mbappe mbetet plotësisht i përqendruar dhe mendërisht i fortë përpara çerekfinales së Kupës së Botës kundër Marokut. Kapiteni i “Les Bleus” u shënjestrua nga abuzime të turpshme raciste nga një politikane paraguaiane pas fitores 1-0 ndaj ekipit të Amerikës së Jugut.

Pavarësisht stuhisë që rrethoi komentet raciste të bëra, Deschamps ka këmbëngulur se sulmuesi i tij është në gjendjen e duhur mendore. Trajneri i Francës ishte i bindur se shpërqendrimet jashtë fushës nuk kanë depërtuar në kamp dhe nuk kanë ndikuar në përgatitjen e kapitenit të tij për përballjen e tyre të ardhshme.

“Kylian është në një gjendje të mirë mendore. Ai është gati për sot. Forca kolektive e skuadrës po i ndihmon lojtarët të përballojnë presionet e turneut”, tha Deschamps. Sulmuesi, aktualisht renditet i dyti në listën e golashënuesve të turneut me shtatë gola së bashku me Erling Haaland dhe menjëherë pas liderit Lionel Messi me tetë. Deschamps është i etur ta mbajë skuadrën e tij në tokë ndërsa përballet me një skuadër të rrezikshme si Maroku.

“Nuk ka eufori në stërvitje, kurrë. Ne kemi shumë respekt për Marokun. Gjendjea fizike e lojtarëve është shumë e mirë. Po përshtatemi dhe nuk më shqetëson të shoh një lojtar që humbet një seancë për të qenë në formë më të mirë për ato në vijim“, shpjegoi Deschamps.