Lajme të mira për Vllazninë, Armando Cungu është zyrtarisht trajner
Armando Cungu është zyrtarisht trajner i Vllaznisë. Ai u prezantua nga kryetarja e Bashkisë së Shkodrës, Voltana Ademi që gjithashtu garantoi futbollistët për zgjidhjen e krizës financiare.
Një ditë pasi bojkotuan stërvitjen, futbollistët e skuadrës shkodrane u thirrën në Bashkinë e qytetit ku dhe iu bë e ditur plotësimi i dy kërkesave të tyre më të rëndësishme. Në fillim shlyerja e detyrimeve financiare të prapambetura dhe zyrtarizimi i Armando Cungut si trajner i ri i ekipit.
Pas eksperiancave të suksesshme te Kukësi dhe Laçi, tekniku u prezantua nga kryetarja e Bashkisë së Shkodrës, Voltana Ademi. Ulja e Armando Cungut në pankinën e Vllaznisë ishte folur prej kohësh, por vetë trajneri kishte kërkuar siguri financiare përpara se të firmoste kontratën.
Megjithëse pranon këtë sfidë, Cungu nuk gjen aspak një ambjent të mirë për të punuar. Larg emrit të saj të madh në futbollin shqiptar, Vllaznia mbylli dy vazat e para të sezonit në vendin e tetë të renditjes me vetëm 15 pikë të grumbulluara.
Për këtë arsye, përveçëse duhet të drejtojë skuadrën aktuale, Cungu ka kërkuar edhe forcimin e saj me blerje të reja gjatë merkatos së janarit.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.