Liverpool ndërorn mendje dhe i bën dalje Arne Slot? Një super trajner del në skenë për të kuqtë

Edhe pse vetë Arne Slot konfirmoi se do të vazhdojë të drejtojë Liverpool-in edhe për sezonin e ri 2026-2027, situata mund të ndryshojë dhe të kuqtë mund të kenë një trajner të ri, duke nisur nga kjo verë.

Fakti që Liverpool ende nuk e ka siguruar zyrtarisht vendin për në Champions League për sezonin e ri, pasi i duhet edhe një barazim në javën e fundit, e ka vështirësuar shumë situatën e Arne Slot.

Sipas Diario AS, drejtuesit e Liverpool-it i kanë kthyer sërish sytë nga Andoni Iraola. Spanjolli e mbyll me Bournemouth në fund të këtij sezoni dhe do të jetë trajner i lirë. Iraola ka qenë kandidat edhe më parë për stolin e Liverpool, që kur u largua Jurgen Klopp, por të kuqtë në fund zgjodhen Arne Slot.

Në rast se ndodh që Liverpool të mbetet jashtë Champions-it për sezonin e ri, largimi i Arne Slot do të jetë 100% i sigurt. Por, edhe me kualifikimin në Champions League, pozicioni i Slot sërish nuk është i sigurt.