Lojëra fati, para dhe armëmbajtje pa leje, arrestohen 7 persona në Tiranë

Si rezultat i hetimeve me qëllim goditjen e veprimtarive kriminale, policia e Tiranës finalizoi gjatë 24 orëve të fundit, 2 operacione duke vënë në pranga 7 shtetas.

Në kuadër të operacionit “Fair Play” u arrestuan shtetasit Lavdim Bregu 61 vjeç, Brahim Çura 66 vjeç, Alken Kokiçi 22 vjeç, Feim Ismaili 60 vjeç, Indrit Loka 38 vjeç dhe Albert Dedej 50 vjeç, pasi në lokalin e shtetasit Lavdim Bregu në Vorë, u kapën 5 shtetasit e tjerë, duke organizuar lojëra fati, me celularë.

Gjatë kontrollit në lokal u gjetën 6 celularë që përdoreshin për lojëra fati dhe 900 000 lekë të dyshuar të përfituara nga kjo veprimtari.

Nga ana tjetër, në kuadër të operacionit “Next” Specialistët për Hetimin e Krimeve të Komisariatit të Policisë Nr. 4 arrestuan shtetasin Klodian Mustafa 25 vjeç, pasi gjatë kontrollit në automjetin që ai drejtonte, u gjetën 2 armë zjarri automatike me municion, të cilat dyshohet se ai i posedonte me qëllim për ti shitur. Materialet procedurale iu referuan Prokurorisë, për veprime të mëtejshme

Lojëra fati, para dhe armëmbajtje pa leje, arrestohen 7 persona në Tiranë pic.twitter.com/k8paYJQD14