Lukaku kthehet te Napoli, e konfirmon agjenti i tij: Do të punojë me ekipin, pastaj Conte do të vendosë

Një sezon i trazuar. Së pari dëmtimi në parasezon, pastaj rikuperimi i ngadaltë dhe zia që lidhet me ndarjen nga jeta të babait të tij. Pastaj një tjetër dëmtim dhe vendimi që mori në mënyrë të pavarur për t’u stërvitur në Belgjikë pa pëlqimin e ekipit.

Ai u kthye në Napoli, por vetëm për të sqaruar gjërat dhe më pas për t’u kthyer në shtëpi. Ndërkohë, bëri vetëm shtatë paraqitje këtë sezon dhe shënoi një gol, golin e fundit kundër Veronës që i siguroi tri pikë. Tani është kthyer në Castel Volturno, ku e pret Conte, i cili kishte shprehur zhgënjim me sjelljen e sulmuesit të tij.

Federico Pastorello, agjenti i sulmuesit belg, foli për incidentin, duke shpjeguar: “I njoh shumë mirë, janë dy njerëz që e jetojnë vërtet futbollin me pasion të madh, kështu që ndoshta nuk ishte koha e duhur për t’u takuar më parë. Ata do ta bëjnë këtë sot, sepse Romelu po kthehet në Napoli siç ishte planifikuar dhe, duke qenë mirë, do të fillojë të punojë përsëri me ekipin. Pastaj, natyrisht, trajneri Conte do të vendosë se çfarë të bëjë me Romelun”.