Makina kthehet përmbys te Pushimi i Shoferit, bie në kanal me ujë

Një automjet tip Benz ka dalë nga rruga, duke përfunduar në një kanal me ujë mesditën e sotme në 4 qershor.

Aksidenti ka ndodhur në aksin Krutje –Pushimi i Shoferit. Drejtuesi i mjetit tip Benz, i cili ishte në prani të djalit të mitur ka humbur kontrollin e mjetit, ku më pas nuk ka arritur ta mbajë në karexhadë.

Makina është përmbysur në një kanal me ujë. Kanë qenë dy djem të zones, të cilët kanë ndërhyrë menjëherë për të nxjerrë dy personat nga makina.

Ndërhyrja e menjëhershme bëri që të dy personat që ndodheshin në mjet të  dilnin shëndoshë e mire, raporton gazetarja e Klan News Anila Sefa.

Në vendngjarje erdhën dhe forcat zjarrfikëse, së bashku me policinë e ambulance, ku këta të fundit morën për në spital dy personat për të kryer ekzamime.

/tvklan.al