Marrëveshja SHBA-Iran, Papa Leoni XIV: Hapi i duhur për paqe në Lindjen e Mesme

Papa Leoni XIV ka vlerësuar marrëveshjen paraprake midis Shteteve të Bashkuara dhe Iranit për t’i dhënë fund luftës në Lindjen e Mesme, duke shprehur shpresën se ajo do të sjellë stabilitet të qëndrueshëm në rajon.

“Falënderoj Zotin që të dy fuqitë janë gati ta nënshkruajnë zyrtarisht marrëveshjen të premten”, tha Papa Leoni, gjatë një deklarate për gazetarët në Itali.

Ai theksoi se, megjithëse mbeten ende çështje për t’u zgjidhur, dialogu dhe negociatat mbeten rruga më e mirë përpara.

“Do të ketë ende shumë pika për t’u zgjidhur, por është gjithmonë më mirë ta bëjmë këtë përmes dialogut, përmes negociatave dhe jo duke u rikthyer në luftë”, u shpreh ai.

Papa shtoi se shpreson që marrëveshja të shënojë fundin e konfliktit.

“Shpresoj që kjo të jetë vërtet një zgjidhje për luftën, që lufta të ketë mbaruar dhe që ne të mund të ecim përpara”, deklaroi ai.