Masterclass me Andrea Solinas, një mundësi për zhvillim të teknikës vokale dhe interpretimit operistik

Dirigjenti italian Andrea Solinas udhëhoqi një masterclass vokal për artistët e rinj, duke ofruar një mundësi për zhvillimin e teknikës vokale dhe interpretimit. Për dy ditë me radhë, Teatri Kombëtar i Operës, Baletit dhe Ansamblit Popullor organizoi një masterclass vokal me dirigjentin italian Andrea Solinas, ku më shumë se 20 pjesëmarrës morën pjesë në këtë përvojë artistike, duke punuar mbi teknikën vokale, interpretimin dhe ndërtimin e frazës muzikore në një atmosferë intensive dhe frymëzuese.

Dirigjenti italian Andrea Solinas udhëhoqi një masterclass vokal për artistët e rinj, duke ofruar një mundësi për zhvillimin e teknikës vokale dhe interpretimit. Për dy ditë me radhë, Teatri Kombëtar i Operës, Baletit dhe Ansamblit Popullor organizoi një masterclass vokal me dirigjentin italian Andrea Solinas, ku më shumë se 20 pjesëmarrës morën pjesë në këtë përvojë artistike, duke punuar mbi teknikën vokale, interpretimin dhe ndërtimin e frazës muzikore në një atmosferë intensive dhe frymëzuese.

Teatri bën me dije se gjatë këtyre dy ditëve, artistët patën mundësinë të eksplorojnë repertor të ndryshëm operistik, të thellojnë aftësitë e tyre interpretative dhe të punojnë drejtpërdrejt mbi komunikimin skenik. “Një element thelbësor për çdo artist që synon të jetë i plotë në skenë”, thuhet nga Teatri Kombëtar i Operës dhe Baletit. Pas interesimit që artistët e rinj treguan, dhe për t’i dhënë mundësi edhe artistëve të tjerë të bëhen pjesë e kësaj eksperience, Andrea Solinas do të rikthehet sërish në datat 11 dhe 12 maj, për të vijuar këtë bashkëpunim të suksesshëm dhe për të ndarë më tej përvojën e tij me brezin e ri të këngëtarëve.

Por dirigjenti italian Andrea Solinas, që udhëhoqi këtë masterclass vokal për artistët e rinj ka qenë dhe më parë në aktivitetin artistik të TKOB-së. Maestro Solinas me një karrierë ndërkombëtare drejtoi dhe Orkestrën Simfonike të TKOB-së në dhjetor 2025 në produksionin e ri të operës “Il Trovatore”.