Mbappe i përgjigjet Messi-t, dy gola në triumfin ndaj Irakut! Franca siguron kualifikimin

Sulmuesi i Real Madrid arrin Klose-n në kuotën e 16 golave në Botërorë. Dembele realizon golin e tretë në ndeshjen e pambarimtë për shkak të stuhisë dhe rrufeve.

Messi thërret, Mbappe përgjgijet. Dopietë për “Pleshtin” ndaj Austrisë, dopietë edhe për sulmuesin e Francës, që udhëhoqi “Bleus” në fitoren 3-0 kundër Irakut. Ndeshja u ndërpre në fundin e pjesës së parë për më shumë se dy orë, për shkak të stuhisë dhe rrufeve në qiellin e Philadelphia-s. Stadiumi u evakuua, pasi protokolli për situata të tilla në SHBA parashikon ndërprerje për të paktën 30 minuta.

Mbappe zhbllokoi rezultatin pas 14 minutash me një të majtë nga jashtë zonës, pas asistit të Olise. Ai dyfishoi në minutën e 54-t me asist të Dembele. Ishte pikërisht “Topi i Artë” që firmosi rezultatin me golin e 3-të në minutën e 66-të.

Me 2 golat kundër Irakut Mbappe shkon në kuotën e 16 golave në Botërorë, duke barazuar gjermanin Miroslav Klose në vend të dytë të këtij klasifikimi special, ku kreun e mban Lionel Messi me 18 gola.

Për sulmuesin e Real Madrid bëhen 60 gola në 100 ndeshje me fanellën e Francës, që me dy fitore ka siguruar kalimin në fazën e 1/16-ve të Kupës së Botës.