Mbi 244 mijë turistë në gusht në Maqedoninë e Veriut, më të shumtët nga Turqia dhe Serbia

Maqedonia e Veriut regjistroi 244.513 turistë në gusht, të cilët realizuan gjithsej 934.042 netë qëndrimi, siç njofton Biznis Info duke u thirrur në të dhënat më të reja të Entit Shtetëror të Statistikës.

Nga turistët e gushtit, 46,4 për qind ishin vendas dhe 53,6 për qind të huaj. Siç raporton SeeNews, numri i turistëve të huaj arriti 131.076, nga 117.696 në gushtin e vitit të kaluar. Te netët e qëndrimit dominojnë vendasit me 70,8 për qind, kundrejt 29,2 për qind të vizitorëve të huaj.

Në periudhën janar-gusht, krahasuar me të njëjtën periudhë të vitit të kaluar, numri i përgjithshëm i turistëve u rrit me 3 për qind — vendasit me 2,8 për qind dhe të huajt me 3,2 për qind. Netët e qëndrimit u rritën me 3,7 për qind, me rritje prej 5,7 për qind te turistët e huaj.

Mysafirët më të shumtë të huaj në gusht erdhën nga Turqia, gjithsej 45.747, e ndjekur nga Serbia me 13.166, Rumania me 7.457 dhe Gjermania me 7.324 turistë, tregojnë të dhënat statistikore.