Milan, Leao: Kam folur me klubin, do të shqyrtoj mundësitë

“Kam folur tashmë me Milanin për mundësinë e një përvoje të re. Nuk e di nëse do të ndodhë. Duhet të paraqitem atje më 29 dhe, ndërsa jam atje, do të jap gjithçka, duke respektuar gjithmonë fanellën që më ka dhënë gjithçka. Mendoj se është një klub që më ka ndihmuar shumë në çdo mënyrë, por në jetë ke ambicie edhe për gjëra të tjera dhe nëse ndodh, do t’i studioj opsionet”, tha Rafael Leao për një podcast brazilian, ndërsa aktualisht është në Brazil për ditët e fundit të pushimit të dhëna nga Milani pas Kupës së Botës.

Fati i Leaos duket larg Milanit, pasi portugezi e ka bërë të qartë vazhdimisht se po kërkon një sfidë të re: “Mendoj se kam dhënë gjithçka që munda të jepja. Dua të provoj një sfidë të re në një ligë të re”, deklaroi Rafa troç para Kupës së Botës.

Megjithatë, aktualisht mungojnë oferta të rëndësishme: vetëm Galatasaray dhe Fenerbahçe i janë afruar sulmuesit të krahut, por ato mbeten larg vlerësimit të kuqezinjve prej rreth 50 milionë eurosh.

Anësori do t’i bashkohet shokëve të ekipit në Australi më 29 korrik për turneun aziatik. Ndërkohë, Leao po stërvitet në ambientet e Corinthians: “Corinthians, faleminderit shumë, jemi bashkë dhe kurrë nuk i dihet, kurrë nuk i dihet se çfarë të jep e ardhmja. Jam mirënjohës që më hapën dyert për t’u stërvitur”.