Ministria e Bujqesisë, subvencion kultivimit te Kivit
Ministria e Bujqësisë përmes programit të subvencionimit 2015, do të mbështesë për herë të parë, kultivimin e pemes së kivit në vendin tonë.
Ekspertët e bujqësisë shprehen se, fruti ekzotik është eksperimentuar nga fermerët dhe është parë se mund të kultivohet shumë mirë në rretht Elbasan, Peqin, Lushnje, Tirane dhe Kavajë.
Sipas udhëzimit të Agjencisë së Zhvillimin Bujqësor dhe Rural, përfitues të mbështetjes financiare për kultivimin e këtij produkti mund të jenë fermerë individualë, subjekte me status fizik, juridik ose grupime fermerësh, që janë të pajisur me kartën e fermerit ose NIPT-in, ndërsa sipërfaqja minimale për të cilën aplikohet të jetë jo më e vogël se 2 dynym dhe sipërfaqja maksimale jo më e madhe se 10 ha.
Toka duhet të jetë në pronësi të aplikantit dhe/ose me qira për të paktën 5 vjet përfshirë edhe vitin e aplikimit.
Aplikanti mund të bëjë më shumë se një aplikim (kur toka nuk ndodhet në të njëjtin vend apo kur aplikon për specie të ndryshme), por çdo aplikim duhet të plotësojë kriterin e rajonizimit dhe kriterin minimal të sipërfaqes dhe totali i sipërfaqes maksimale për çdo aplikant nuk duhet të jetë më shumë se 10 ha.
