Ministria e Jashtme e Iranit: Ende po shqyrtojmë propozimet e SHBA-së për t’i dhënë fund luftës

Zëdhënësi i Ministrisë së Jashtme iraniane, Esmaeil Baghaei këtë enjte ka deklaruar se Irani ende po shqyrton mesazhet nga Shtetet e Bashkuara nëpërmjet ndërmjetësimit pakistanez. Ai theksoi se Irani ende nuk e ka finalizuar përgjigjen e tij ndaj një propozimi të SHBA-së për t’i dhënë fund luftës.

Teherani pritet t’ua dorëzojë përgjigjen e tij ndërmjetësve në lidhje me propozimin e SHBA-së të enjten, tha një burimpër CNN.

“Irani ende nuk ka arritur në një përfundim përfundimtar dhe asnjë përgjigje nuk i është dhënë palës amerikane”, tha Baghaei.

Propozimi njëfaqësh i SHBA-së synonte të shpallte fundin e luftës, duke shkaktuar një periudhë negociatash 30-ditore për të zgjidhur pikat e vështira, duke përfshirë çështjet bërthamore, asetet e ngrira iraniane dhe sigurinë në Ngushticën e Hormuzit, sipas një burimi rajonal të njohur me negociatat.