Ministrja e Jashtme gjermane i bëri thirrje Bullgarisë që të sqarojë çështjet problematike me Shkupin

Me rastin e informacioneve të rreme në media, Ministria bullgare e Punëve të Jashtme deklaroi se qëndrimi bullgar për integrimin evropian të Maqedonisë së Veriut mbetet i pandryshuar.

Ministrja e Punëve të Jashtme Teodora Gençovska e konfirmoi këtë qëndrim në bisedën e saj me Ministren e Jashtme gjermane Annalena Baerbock gjatë Këshillit për Punë të Jashtme në Luksemburg, njoftoi qendra për shtyp e Ministrisë.

Nga ana e saj, Annalena Baerbock i bëri thirrje Bullgarisë që të sqarojë çështjet problematike të lidhura me Shkupin, në mënyrë që Maqedonia e Veriut dhe Shqipëria të fillojnë bisedimet e anëtarësimit në gjysmën e parë të vitit, raportoi BNT.

“Në një kohë kur Rusia lufton jo vetëm kundër Ukrainës, por edhe për të ndarë Evropën, është shumë e rëndësishme që ne të vazhdojmë të mbështesim vendet që kanë parë prej kohësh të ardhmen e tyre në BE”, tha ajo.