Mira Murati mes 100 figurave më ndikuese në botë

Revista TIME ka publikuar listën TIME100 AI 2026, ku përfshihen 100 figurat që po ndikojnë më shumë në zhvillimin dhe të ardhmen e Inteligjencës Artificiale.

Mes emrave më të fuqishëm të teknologjisë është edhe Mira Murati, shqiptarja e njohur në industrinë e AI dhe ish-drejtuese e teknologjisë në OpenAI.

Murati shfaqet në kopertinën globale të TIME, përkrah emrave si Sam Altman, Elon Musk, Jeff Bezos dhe Larry Ellison.

Lista përfshin drejtues teknologjie, studiues, sipërmarrës, politikëbërës dhe figura të industrisë kreative, duke reflektuar ndikimin gjithnjë e më të madh të AI në shoqëri dhe ekonomi.