MPB: Arrestohet 20-vjeçari që hodhi “koktej molotovi” para hotelit në Beogradin e Ri

Ministria e Punëve të Brendshme të Serbisë njoftoi sot arrestimin e një të riu të dyshuar për shkaktim të rrezikut të përgjithshëm, pasi hodhi një “koktej molotovi” para një hoteli në Beogradin e Ri.

Sipas MPB-së, i dyshuari Đ.I. (20) hodhi më 26 gusht armën e improvizuar ndezëse para hotelit “New Belgrade Premium”.

Atij i është caktuar masa e paraburgimit prej 48 orësh, pas së cilës do të dërgohet para Prokurorisë Themelore të Tretë në Beograd për procedurë të mëtejshme.

Ngjarja hetohet si vepër penale e shkaktimit të rrezikut të përgjithshëm.

Burimi: Danas