Musk riemërton “SpaceXAI” sipas termit të preferuar të Trump, “superinteligjencë”

UASHINGTON, 5 tetor /ATSH-DPA/- Elon Musk pritet të ndryshojë emrin e kompanisë së tij të inteligjencës artificiale (IA), në përputhje me përpjekjen e presidentit amerikan Donald Trump për të përdorur termin “superinteligjencë” për këtë teknologji.

Miliarderi i teknologjisë tha sot në platformën e tij X, se kompania e tij “SpaceXAI” do të riemërtohet “SpaceXSI”.

“Po, do ta bëjmë këtë ndryshim”, shkroi Musk.

Kompania është krijuar së fundmi përmes bashkimit të kompanisë së inteligjencës artificiale të Musk, xAI, e cila konkurron me kompanitë “OpenAI” dhe “Anthropic”, me kompaninë e tij hapësinore “SpaceX”.

Trump prej disa javësh po përpiqet të vendosë termin “superinteligjencë” si emërtimin e preferuar për inteligjencën artificiale.

Ai argumenton se emri aktual, “inteligjencë artificiale”, e bën këtë teknologji të duket “e rreme”.

Musk ishte ndër aleatët më të afërt të Trump në muajt e parë të mandatit të dytë të presidentit amerikan.

Më vonë, të dy u përplasën, pjesërisht për shkak të një projektligji për taksat, por më vonë ata i kanë përmirësuar ndjeshëm marrëdhëniet. /