Ndërtimtaria shënon rritje për 21.9% në tremujorin e dytë në Maqedoninë e Veriut

Në tremujorin e dytë të vitit 2026, ndërtimtaria u rrit me 21.9 për qind të konsiderueshme krahasuar me të njëjtën periudhë të vitit të kaluar, njoftoi në profilin e tij në Facebook zëvendëskryeministri dhe ministri i Transportit, Aleksandar Nikolloski.

Ai theksoi se janë përfunduar punime ndërtimore në vlerë të përgjithshme prej 14,9 miliardë denarësh, përkatësisht rreth 242 milionë euro, duke shtuar se rritja e ndërtimtarisë është një mbështetës i rëndësishëm i ekonomisë vendase.

“Këto shifra tregojnë se politikat e Qeverisë japin rezultate. Investimet në autostrada, rrugë ekspres, hekurudhë, mbi 1.200 projekte në komunat dhe aeroporte do të vazhdojnë me një ritëm edhe më të shtuar.

Po e pozicionojmë shtetin si një kryqëzim të vërtetë strategjik në Ballkan. Po e ndërtojmë Maqedoninë”, shkroi Nikolloski.