Përzgjedhësi i Kombëtares së Kosovës, Franco Foda ka folur pas humbjes nga Austria. Kosova u mposht 3-1 nga Austria në Vjenë.

Foda u deklarua pas ndeshjes, duke thënë se ishte i kënaqur me lojtarët dardanë.

“Skuadra nuk u dorëzua kurrë dhe deri në fund u përpoq ta përmbyste ndeshjen. Nëse shikojmë vetëm statistikat, ndeshja ishte e barabartë. Por Austria ishte jashtëzakonisht e mirë në shfrytëzimin e gabimeve tona. Shpejtësia e tyre, lëvizjet dhe kalimet nga mbrojtja në sulm ishin shumë të mira”, tha ai pas ndeshjes.