Në Antalie vazhdon stërvitja e NATO-s “Toxic Trip-2021

Sipas deklaratës që është bërë nga zyra e prefektit të provincës, stërvitja po zhvillohet në aeroportin e Forcave Ajrore Turke në Antalia nga 3 deri në 12 nëntor me pjesëmarrjen e 660 personelit ushtarak nga 16 shtete.

Stërvitja “NATO Toxic Trip-2021” synon të kontribuojë në bashkëpunimin ushtarak duke zhvilluar ndërveprueshmërinë midis forcave ajrore dhe të njësive shëndetësore e të mbrojtjes kundër kërcënimeve Kimike, Biologjike, Radiologjike dhe Bërthamore (CBRN) të shteteve anëtare të NATO-s dhe atyre që janë pjesë e programit Partneritet për Paqe. Në stërvitje janë përfshirë edhe përfaqësuesit e Qendrës së Ekselencës së NATO-s për CBRN-në, kurse nga Turqia marrin pjesë njësi nga forcat e saj Tokësore, Detare dhe Ajrore.

Prefekti i Antalies, Ersin Yazici mori pjesë në mbledhjen informuese dhe u informua nga komandantët mbi ecurinë e stërvitjes duke i inspektuar në vend punimet. Krahas Turqisë në stërvitje marrin pjesë Gjermania, Belgjika, ShBA, Bullgaria, Çekia, Danimarka, Franca, Koreja e Jugut, Holanda, Britania e Madhe, Spanja, Italia, Katari, Rumania dhe Serbia. Stërvitja “NATO Toxic Trip-2021” do të vazhdojë deri më 12 nëntor.