Netanyahu: Izraeli do të investojë 119 miliardë dollarë për prodhimin vendas të municioneve

Kryeministri i Izraelit, Benjamin Netanyahu, ka njoftuar një rritje të konsiderueshme të buxhetit të mbrojtjes, duke planifikuar shtimin e 350 miliardë

Kryeministri i Izraelit, Benjamin Netanyahu, ka njoftuar një rritje të konsiderueshme të buxhetit të mbrojtjes, duke planifikuar shtimin e 350 miliardë shekelëve (rreth 119 miliardë dollarë) gjatë dhjetë viteve të ardhshme.

Në një video-mesazh të publikuar nga zyra e tij, Netanyahu theksoi se investimi synon forcimin e kapaciteteve vendase për prodhimin e municioneve, në mënyrë që vendi të mos jetë i varur nga furnizimet e huaja. Ai e cilësoi këtë si një hap të rëndësishëm drejt rritjes së pavarësisë strategjike të Izraelit në fushën e mbrojtjes.

Kryeministri bëri të ditur gjithashtu se paralelisht do të zhvillohen avionë të rinj të prodhuar në vend, ndërsa ka urdhëruar edhe krijimin e një projekti të posaçëm për të përballuar kërcënimet nga dronët, duke e cilësuar këtë si një element kyç për sigurinë kombëtare në të ardhmen.