Ish-futbollisti, Pennant sulmohet nga një qen: Kam 50 qepje nga kafshimet e marra

Ish-futbollisti, Jermaine Pennant ka marrë më shumë se 50 qepje pasi u sulmua nga një qen. 43-vjeçari po shëtiste dy qentë e tij në veri të Londrës javën e kaluar kur u sulmua nga një qen bari gjerman.

Ish-sulmuesi i krahut të Liverpoolit dhe Stoke Cityt tha se qeni ia kapi këmbën dhe nuk e lëshoi ndërsa ai përpiqej të mbronte qenin e tij, King.

King ndërhyri më pas për të ndihmuar në luftimin e qenit sulmues, duke parandaluar “atë që mund të kishte qenë një situatë e tmerrshme”, tha Pennant në një postim në Instagram.

Pennant i tha gazetës The Sun, se au kishte nevojë për më shumë se 50 qepje në këmbën e djathtë pasi pësoi katër plagë kafshimi gjatë sulmit dhe mori trajtim spitalor.

Ai shtoi se King nuk u lëndua, por nuk dha detaje rreth qenit Bari gjerman. Ai tha se nuk pranoi ta raportonte sulmin në polici.

Pennant, i cili është një analist për Talksport, bëri 231 paraqitje në Premier League në një karrierë 19-vjeçare përpara se të tërhiqej në vitin 2018.