Olivia Rodrigo zbulon problemin shëndetësor me veshin

Këngëtarja e njohur Olivia Rodrigo ka bërë një zbulim për shëndetin e saj gjatë një interviste të fundit, duke treguar se ka humbur një pjesë të konsiderueshme të dëgjimit në njërin vesh.

Gjatë një paraqitjeje në radion KISS FM, artistja foli për albumin e saj të ri, “You Seem Pretty Sad For A Girl So In Love”, i cili pritet të publikohet më 12 qershor. Në bisedë, një nga moderatorët e pyeti me humor se “çfarë nuk shkon me të”, duke iu referuar titullit të një prej këngëve të reja, “What’s Wrong With Me?”.

Për habinë e të pranishmëve, Olivia Rodrigo u përgjigj duke folur për problemin e saj me dëgjimin.

“Ka mjaft gjëra që nuk shkojnë me mua. Në fakt, jam rreth 60% e shurdhër nga veshi i majtë. Nëse do të ishe ulur në atë anë dhe do të përpiqeshe të më tregoje një sekret, nuk do të mund ta kuptoja se çfarë po më thoshe”, u shpreh ajo.

Më pas, duke treguar veshin e djathtë, shtoi me shaka se “Nëse do të më tregosh një sekret, eja nga kjo anë”.

Deklarata e saj shkaktoi habi te moderatorët e emisionit.

Njëra prej tyre theksoi se është e jashtëzakonshme që një artiste me një karrierë kaq të suksesshme muzikore përballet me një problem të tillë dëgjimi, duke pasur parasysh se puna e saj lidhet ngushtë me muzikën dhe përdorimin e vazhdueshëm të kufjeve profesionale.

/tvklan.al