Opozita serbe firmos deklaratën në Novi Sad: Qëllimi është largimi i Vuçiçit

Koalicioni opozitar “Evropska Srbija” ka firmosur të enjten në Novi Sad deklaratën politike “Garancija za Evropsku Srbiju”, me të cilën zyrtarizon objektivin e tij kryesor politik: largimin nga pushteti të presidentit Aleksandar Vuçiç.

Deklaratën e nënshkruan katër liderët e koalicionit — Marinika Tepiq, Zdravko Ponosh, Dragan Gjilas dhe Goran Jeshiq — të cilët u zotuan se pas zgjedhjeve nuk do të mundësojnë formimin e një qeverie të udhëhequr nga Partia Përparimtare Serbe (SNS) dhe nuk do të hyjnë në koalicion me të.

Në dokument theksohet se koalicioni synon të hapë rrugën për një Serbi evropiane, me institucione funksionale, sundim të ligjit dhe media të lira, duke u paraqitur si alternativë ndaj pushtetit aktual.

Nënshkrimi i deklaratës vjen në kuadër të fushatës për zgjedhjet e parakohshme parlamentare të 25 tetorit, në të cilat “Evropska Srbija” merr pjesë me listën e saj zgjedhore.

Burimi: Danas