Pamela Anderson në gjyq

E çfarë problemi ka një divorc i katërt për Pamela Anderson!? “Ky nuk është aspak fundi i botës”, shprehet aktorja për mediat rozë.

Muajin e fundit, ylli i serialit “Baywatch” po përgatit dosjen dhe avokatët e saj për të shkuar në gjyq, pasi kërkon të ndahet nga bashkëshorti Rick Salomon, me të cilin ishte në një lidhje dashurie që prej vitit 2007.

Por kjo nuk është hera e vetme që Anderson e prish kurorën me lojtarin e pokerit. Ata u divorcuan edhe një herë në vitin 2008, për t’u ribashkuar më vonë në vitin 2014. Pa kaluar ende 6 muaj, 47-vjeçarja është ajo që kërkon t’i jap duart bashkëshortit për arsyen e thjesht se ndjehet e lodhur nga jeta seksuale në çift. Sipas Pamela-s, Rick është shumë i mërzitshëm, por kjo gjë duket se e ka tensionuar tepër marrëdhënien e tyre dhe aktorja është shprehur në mënyrë kategorike, se nuk do të flasë kurrë me ish-bashkëshortin e saj dhe nuk ka interes të marrë vesh asgjë më prej tij.

Producentja e Anderson tha se Pamela po vë në jetë planet e saj, po kalon kohë me familjen, si dhe i është përkushtuar totalisht fondacionit që mban emrin e saj.

Pamela dhe Rick ndoshta janë të papajtueshëm seksualisht edhe për faktin se të dy yjet kanë qenë protagonist të dy videoskandaleve seksuale, megjithëse jo me njëri-tjetrin, madje të dy janë etiketuar dhe përfolur shpesh për marrëdhëniet e tyre intime ndër vite.