Pas Dashamir Xhikës, arrestohet edhe Andi Toma

Ndërtimi i rrugës  Elbasan-Gjinar, i kushton lirinë dy ish-drejtorëve të Autoritetit Rrugor Shqiptar. Fletë-arrestet nuk janë prerë vetëm për dy ish-zyrtarët, por edhe për 9 persona të tjerë.

Dashamir Xhika dhe Andi Toma mësohet se janë vënë në pranga në orët e vona të mbrëmjes së të enjtes, nën dyshimin se kanë lejuar abuzime në procedurat tenderuese dhe mbikqyrëse në ndërtimin e rrugës Elbasan-Gjinar. Arrestimi i Xhikës u bë në banesën e tij, në Cërrik.

Ndërsa Andi Toma, ish- titullar i ARRSH-së gjatë qeverisë Berisha, kujtojmë se ka qenë i arrestuar dhe disa vite më pare, i dyshuar për abuzime gjatë ndërtimit të autostradës Durrës-Kukës.

Abuzimet financiare të shkaktuara vetëm në tenderin e rrugës Elbasan- Gjinar përllogariten në shifrën 5 miliard lekë të vjetra. I gjithë operacioni është udhëhequr deri në mesnatë nga drejtuesi i prokurorisë së Elbasanit Ardian Nezha, i cili mësohet se ka firmosur 11 urdhër-arreste, ku të proceduar janë ish-zyrtarët te lartë, kolaudues dhe disa biznesmenë të kompanive ndërtuese “Arifaj” dhe “Tre vllezërit Hysa”.

Dy kompanite e mesiperme administrohen nga Besnik Hysa, Kujtim Hysa dhe Flutura Hysa, tashmë të vënë në pranga që të tre.

Arrestimet janë kryer pas hetimit që zhvilloi prokuroria e Elbasanit në lidhje me kallëzimin e bërë nga ministri i Energjitikës dhe Infrastrukturës Damian Gjiknuri më 19 dhjetor 2017. Ky i fundit kërkoi hetimin e çështjes pas auditit të zhvilluar për rrugën Tiranë-Elbasan ku u gjetën 5.3 miliardë lekë të vjetra dëme financiare.

Leave a Reply

Your email address will not be published. Required fields are marked *