Pas dasmës luksoze, Dua Lipa merr një vendim të rëndësishëm

Dua Lipa pritet të zhvendoset përkohësisht në Shtetet e Bashkuara për të qenë pranë bashkëshortit të saj, Callum Turner, ndërsa çifti përpiqet të kalojë sa më shumë kohë së bashku, pa lënë pas angazhimet profesionale.

Vetëm pak ditë pas festës së tyre tre-ditore të martesës në Itali, aktori 36-vjeçar zbuloi për The Hollywood Reporter se këngëtarja do ta shoqërojë në SHBA për shtatë muaj, në mënyrë që të qëndrojnë pranë njëri-tjetrit gjatë kohës që ai është i angazhuar me projektet e tij të reja kinematografike.

Turner do të luajë në ribërjen e filmit “Possession” të vitit 1981, ku do të interpretojë përkrah Margaret Qualley. Më pas ai do të marrë pjesë në xhirimet e filmit “The Comebacker”, ku Tom Hanks do të luajë rolin e trajnerit të tij.

“Puna jonë kërkon që të udhëtojmë në të gjithë botën. Është e rëndësishme që kur kthehemi në Londër të kalojmë kohë me miqtë tanë, por gjithmonë përpiqemi të jemi bashkë sa më shumë të jetë e mundur”, deklaroi aktori.

Dua Lipa dhe Callum Turner u martuan në një ceremoni civile në Londër, ditën e fundit të muajit maj, në ndërtesën historike Old Marylebone Town Hall. Një javë më vonë, ata festuan martesën me një organizim luksoz në Siçili.

Sipas raportimeve, festimet e dasmës kushtuan rreth 1.5 milionë paund, por shkaktuan pakënaqësi te një pjesë e banorëve vendas për shkak të kufizimit të qasjes në disa hapësira publike dhe masave të rrepta të sigurisë. Megjithatë, çifti thuhet se kompensoi banorët për shqetësimet e shkaktuara dhe mbajti një profil të ulët gjatë gjithë festës tre-ditore

/tvklan.al